“Tolibon” kuchlari va Pokiston harbiylari o‘rtasida to‘qnashuvlar bo‘lmoqda

“Durand chizig‘i bo‘ylab Paktika, Paktiyo va Xost viloyatlarida “Tolibon” kuchlari va Pokiston harbiylari o‘rtasida to‘qnashuvlar bo‘lmoqda”, deb xabar bermoqda “Tolibon”ga yaqin manba.

Pokiston Afg‘onistonning bir qancha viloyatlariga havo hujumlari uyushtirdi. Hujumdan maqsad “Pokiston Tolibon”lariga zarba berish bo‘lgan, ammo ayollar va bolalar yashagan uy nishonga olinishi sababli sakkiz kishi halok bo‘lgan. Havo hujumlaridan so‘ng Durand chizig‘ida to‘qnashuvlar boshlangan.

“Bunday hujumlar Afg‘oniston suverenitetini buzish hisoblanadi va bu davlat nazorat qila olmaydigan yomon oqibatlarga olib keladi”, — dedi “Tolibon” matbuot kotibi Zabihulloh Mujohid.