Tojikiston shimoli va janubida sel va tosh qulashlar qayd etildi

O‘tgan 24 soat ichida kuchli yog‘ingarchilik natijasida respublikaning shimoliy va janubiy hududlarida sel va tosh qulashlari qayd etildi, deb xabar bermoqda Respublika Favqulodda vaziyatlar qo‘mitasi.

Shunday qilib, 22 aprel kuni «Xo‘jand-Istiqlol» avtomobil yo‘lida, «Xuaxin Gayur Sug‘d Sement» korxonasi yaqinida 4 marta sel va tosh qulashi qayd etilgan. Muhandislik texnikasi yordamida yo‘l tozalanib, transport harakati tiklandi.

Shu kuni soat 15:05 da yog‘ingarchilik natijasida sel oqimi Qo‘rg‘oncha qishlog‘idagi himoya to‘g‘onining yemirilishiga olib keldi. Soat 15:10da esa Matcha tumani So‘g‘diyon qishlog‘i hududiga sel oqimi kelib, ekin maydonlari va mahalliy aholining tomorqalariga zarar yetkazgan.

Xatlon viloyati Temurmalik tumani Chilcha qishlog‘ida kuchli yog‘ingarchilik oqibatida sel kelib, mahalliy aholining 22 ta yordamchi inshootlarini suv bosdi.

Voqea joyida tuman Favqulodda vaziyatlar komissiyalari tomonidan faol ish olib borilib, tabiiy ofat oqibatlarini bartaraf etish choralari ko‘rilmoqda.

YHXTning qayd etishicha, sel va tosh qulashlar natijasida qurbonlar va vayronalar qayd etilmagan.