Tez yordam kelmadi. Koronavirusga chalingan bemor vafot etdi

Rossiyada, Chita shahrining keksa fuqarosi koronavirus bilan kasallanib, shifokorlardan yordam ololmasdan vafot etdi.

Interfaks xabariga ko‘ra, 64 yoshli ayolga COVID-19 tashxisi qo‘yilgan. U uyda davolangan va ahvoli og‘irlashganida tez yordam chaqirgan, ammo shifokorlar uzoq vaqt kelishmagan. Natijada bemor 28 oktyabrda o‘sha yerdagi kasalxonaga yotqizilgan va ertasi kuni vafot etgan.

Qayd etilishicha, nafaqaxo‘r ijtimoiy tarmoqlarda mahalliy hokimiyatdan unga yordam berishni so‘ragan. Trans-Baykal o‘lkasi Sog‘liqni saqlash vazirligi tibbiy yordamni tashkil etishga mas’ul muassasalarda tekshiruvni boshladi.