Tez orada Rossiya uchun Xitoy yuanida savdo qilish ancha qiyinlashishi mumkin

Rossiya uchun Xitoy yuanini qo‘lga kiritish ancha qiyin bo‘lishi mumkin.

Buning sababi, Rossiyaning ayrim moliya institutlari tomonidan tranzaksiyalarni amalga oshirishga ruxsat beruvchi AQSh G‘aznachiligining asosiy lisenziyasining muddati tugash arafasida. Oqibatda mamlakatda yuan tanqisligining kuchayishi bilan bog‘liq vaziyat yuzaga kelishi mumkin, Xitoy banklari, ehtimol, Rossiyadan to‘lovlarni amalga oshirishdan butunlay voz kechishi mumkin, dedi payshanba kuni Reuters agentligiga bu masala bilan tanish bo‘lgan shaxs.

12-oktabrda tugashi kerak bo‘lgan lisenziya Moskva birjasi va Milliy kliring markazi o‘rtasidagi ayrim operasiyalarni butunlay to‘xtatib qo‘yishdan farqli o‘laroq, bosqichma-bosqich to‘xtatish imkonini beradi.

G‘arb sanksiyalarining so‘nggi bosqichi bilan Moskva birjasida dollar va yevro savdolari allaqachon to‘xtatilgan. Ammo G‘aznachilik lisenziyasining amal qilish muddati tugagach, barcha konvertasiya operasiyalari, jumladan, Xitoy banklari va ularning sho‘ba korxonalari ishtirokida ham to‘xtatiladi va ularning Moskva birjasidagi pozisiyalari yopiladi, dedi boshqa manba.

Bu G‘arb savdo cheklovlari ostida Xitoy valyutasiga qattiq suyangan Moskva uchun muammo tug‘diradi. Rossiya banklarining biriga ko‘ra, iyun oyida Moskva birjasidagi barcha valyuta operasiyalarining deyarli 100 foizi yuanni tashkil etdi.

Biroq, Xitoy firmalari mamlakat bilan biznes qilishda ikkilanayotgani tufayli Rossiya banklarida yuanlar deyarli tugadi. O‘tgan oy Reuters xabariga ko‘ra, Xitoy banklari Rossiya uchun mo‘ljallangan milliardlab dollarlik yuan to‘lovlarini ham ushlab turishgan, bu ham yuan tanqisligiga hissa qo‘shgan.