Taylandlik shifokorlar 8 kilogrammlik kistani olib tashlashdi. Operasiya 6 soat davom etdi

Bemorning onasi qizning juda ko‘p ovqatlanib, ozgina ortiqcha vazn to‘plagan deb o‘ylardi. Ammo vaziyat ancha jiddiy chiqdi. 31 yoshli Nong Ratchanaporn birdan nafas olishda qiynala boshladi va xavotirlangan ona uni Satune shahridagi shifoxonaga olib borishga majbur bo‘ldi.

Bemorning qornining kattaligi egizak homiladoriga o‘xshardi, shuning uchun dastlab shifokorlar ayol homilador degan taxmin qilgan. Biroq ultratovush tekshiruvi qorin pastki qismida katta ovarial kista borligini aniqladi, u Nongning ichki a’zolariga bosim o‘tkazayaptigandi. Ma’lum bo‘lishicha, kista bir necha yil davomida sekin-asta o‘sib kelgan.

Shifokorlar kistani olib tashlashdi. Operasiya olti soat davom etdi va muvaffaqiyatli yakunlandi. Oxirida shifokorlar katta o‘simlikni kamera oldida ko‘rsatishdi.

«Nong hozir yaxshi, har kuni bog‘lamaga keladi. U o‘zini o‘rnidan ko‘ra yengil his qilmoqda», — deb aytdi Nongning onasi Thairath nashriga.

📌 Ovarial kista — bu tuxumdon (ovarium)da joylashgan, ichida suyuqlik to‘planadigan kista. Ko‘pincha funksional ovarial kistalar yaxshi sifatli bo‘ladi. Odatda kista bir necha santimetr o‘lchamda bo‘lib, alomatlar keltirmaydi. Ko‘pincha ular o‘z-o‘zidan yo‘qoladi, shuning uchun davolash talab qilinmaydi. Katta kistalar esa juda kam uchraydi. Ular tuxumdon qon ta’minotini to‘sib qo‘yishi mumkin va bunday hollarda operasiya zarur bo‘ladi.