Surxondaryoda qaror va buyruq talablarini buzgan IIB xodimi lavozimidan ozod etildi
2020 yilning 18 dekabr kuni ijtimoiy tarmoqda "Termiz shahrida GAI xodimi nima uchun haydovchiga yalinmoqda?" sarlavhasi ostida tarqalgan video lavha yuzasidan sahifamizda Surxondaryo viloyati IIB tomonidan xizmat tekshiruvi o‘tkazilayotganligi haqidagi munosabat joylangan edi.
O‘tkazilgan xizmat tekshiruvida O‘zbekiston Respublikasi Vazirlar Mahkamasining 2018 yil 1 dekabrdagi 975-son qarori bilan tasdiqlangan "Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risida"gi Nizomi hamda IIVning me’yoriy buyrug‘i talablarini buzganligi uchun Surxondaryo viloyati IIB YHXB xodimi B.Izbasarov egallab turgan lavozimidan ozod etilishi bo‘yicha xulosa qabul qilindi.
