"Soxta treyding" yoxud oz fursat ichida pul ko‘paytirib beraman degan "firibgar ayol" ushlandi
!["Soxta treyding" yoxud oz fursat ichida pul ko‘paytirib beraman degan "firibgar ayol" ushlandi "Soxta treyding" yoxud oz fursat ichida pul ko‘paytirib beraman degan "firibgar ayol" ushlandi](/photos/news/ZVd0P0M2TuPCpdB.jpeg)
————
Toshkent shahri, Yangixayot tumanida yashovchi Q.U. IIOga murojaat qilib, bank kartasidan 6.000.000 so‘m miqdoridagi pul mablag‘lari noma’lum shaxs tomonidan firibgarlik yo‘li bilan o‘zlashtirilganligini ma’lum qilgan.
Tezkor-qidiruv xizmati Kiberxavfsizlik bo‘linmalari xodimlari tomonidan o‘tkazilgan tezkor-qidiruv tadbirlari natijasida, mazkur jinoyatni Toshkent shahri, Sirg‘ali tumanida yashovchi 26 yoshli (ayol) F.YU. sodir etganligi aniqlangan.
Unga ko‘ra, (ayol) F.YU., Q.U. bilan "Instagram" ijtimoiy tarmog‘i orqali tanishib, unga o‘zini treyderlik faoliyati bilan shug‘ullanishini va pullarini oz fursatlarda ko‘paytirib berishini va’da qilib, aldov yo‘li bilan 6.000.000 miqdoridagi pul mablag‘larini o‘tkazib olishga erishib, bergan va’dasini bajarmasdan pullarni o‘z ehtiyojlariga sarflab yuborgan.
Mazkur holat yuzasidan O‘zbekiston Respublikasi JKning 168-moddasi 3-qismi bilan jinoyat ishi qo‘zg‘atilib, (ayol) F.YU.ning sodir etilib fosh etilmay qolgan boshqa shu turdagi jinoyatlarga aloqadorligini tekshirish yuzasidan tezkor-surishtiruv ishlari olib borilmoqda.
⚠️ Qonunga muvofiq, O‘zbekiston Respublikasi Jinoyat kodeksining 168-moddasi 3-qismidagi jinoiy xatti-harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.