Shveysariyada ketma-ket ikkita poyezd halokati yuz berdi

Bern kantonida (Shveysariya) 31 mart, juma kuni ikkita poyezd relsdan chiqib ketdi. Hodisalar natijasida qurbonlar bor.

Ma’lumotlarga ko‘ra, poyezd halokati mahalliy vaqt bilan 16:30 dan 17:00 gacha sodir bo‘lgan. Voqea joyida favqulodda xizmatlar ishlamoqda.

Qayd etilishicha, ikkinchi avariya birinchi halokat joyidan 15 km uzoqlikda sodir bo‘lgan. Birinchi to‘qnashuvda to‘rt kishi jarohatlangan, ikkinchisida, dastlabki ma’lumotlarga ko‘ra, bir kishi og‘ir jarohatlangan.

Poyezd halokati sabablari hozircha ma’lum qilinmagan.