Shveysariya muzliklarning erishi tufayli Alp tog‘laridagi Italiya bilan chegarasini o‘zgartiradi

Shveysariya hukumati tarixan ikki davlat chegarasini belgilab turgan muzliklarning erishi tufayli Matterhorn tog‘ cho‘qqisida Italiya bilan chegarasini o‘zgartirdi, deb xabar bermoqda Bloomberg.

«Chegaraning katta qismlari suv havzalari yoki muzliklar, firn yoki doimiy qorlarning tizma chiziqlari bilan belgilanadi. Bu tuzilmalar muzliklarning erishi tufayli o‘zgarib bormoqda», — deyiladi Shveysariya hukumati 27 sentyabr kuni e’lon qilingan bayonotda.

Shveysariya va Italiya o‘rtasidagi qo‘shma komissiya ko‘p yillik muhokamalardan so‘ng 2023 yilning may oyida chegarani o‘zgartirishga kelishib oldi, deb yozadi The Guardian. Mamlakatlar Shveysariyaning Zermatt tog‘-chang‘i kurorti va Italiya Valle d'Aosta hududidagi Matterhorn yaqinidagi chegarani o‘zgartirishga kelishib oldilar. Shuningdek, ular Testa Grigia qoyasi va Plateau Rosa muzligi kabi diqqatga sazovor joylar yaqinidagi chegarani o‘zgartirishga kelishib oldilar.

Italiya hukumati chegara o‘zgarishlarini hali ma’qullamagan.