Shahram G‘iyosov WBO reytingida birinchi

Shahram G‘iyosov WBO reytingida birinchi

Butunjahon boks tashkiloti (WBO) iyun oyi uchun yangilangan reytingni e’lon qildi va undan 7 nafar charm qo‘lqop ustalarimiz o‘rin oldi.

Unga ko‘ra, Shahram G‘iyosov yarimo‘rta vazn toifasida o‘tgan oydagi o‘rnidan bir pog‘ona yuqorilab, ushbu yo‘nalishda birinchi o‘rindan joy oldi. Olimjon Nazarov o‘ta yengil vazn toifasida, Murodjon Ahmadaliyev esa birinchi yarimengil vazn toifasida beshinchi o‘rinni egalladi. Birinchi yarim yengil vaznda ringga ko‘tarilayotgan Muhammad Shexov o‘tgan oydagi singari 6-o‘rinda qoldi.

Shuningdek, Hasanboy Do‘smatov birinchi o‘ta yengil vaznda o‘tgan oydagidan bir pog‘ona pastladi va 8-o‘ringa joylashgan bo‘lsa, Bektemir Meliqo‘ziyev supero‘rta vazn toifasida o‘tgan oydagi 9-o‘rnini saqlab qoldi. Superog‘ir vazndagi Bahodir Jalolov esa 15-pog‘onadan o‘rin oldi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!