Savdo urushining yangi bosqichi: Vashington birinchi bo‘lib miltillaydimi?

Xitoy hukumati milliy aviakompaniyalarga Amerikaning Boeing kompaniyasidan yangi samolyotlarni yetkazib berishdan bosh tortishni buyurdi. Bu haqda Bloomberg axborot agentligiga tayanib xabar berdi.

Ularga ko‘ra, Pekin amerikalik ishlab chiqaruvchilardan asbob-uskunalar va butlovchi qismlarni xarid qilishni to‘xtatishni ham talab qilgan. Bu qaror 12-aprel holatiga ko‘ra 125 foizni tashkil etgan Amerika tovarlariga oshirilgan bojlar kuchga kirganidan keyin qabul qilindi.

Agentlik ta’kidlaganidek, bu choralar Amerika samolyotlari va ehtiyot qismlari narxini ikki baravar oshiradi. Narxlarning keskin o‘sishi sharoitida Boeing uskunalarini sotib olish Xitoy tashuvchilari uchun foydasiz bo‘lib bormoqda.

Shu bilan birga, Xitoy hukumati Boeing samolyotlarini ijaraga olgan va xarajatlar ortib borayotgan aviakompaniyalarni qo‘llab-quvvatlashga tayyor , deya xabar beradi Bloomberg manbalari.

Taqiq e’lon qilinishidan oldin Xitoy aviakompaniyalari o‘nga yaqin yangi Boeing 737 Max samolyotlarini qabul qilishga tayyorlanayotgan edi.

Yangiliklarga ko‘ra, Boeing aksiyalari bozor oldidan savdolarda 4,6 foizga tushib ketdi. Yil boshidan buyon kompaniya aksiyalari 14 aprel holatiga ko‘ra 10 foizga arzonlashgan.

Xitoy rasmiylari eskalasiyaga intilmayotganliklarini, ammo AQSh bosimni davom ettirsa, bunga tayyor ekanini ta’kidlamoqda. Xitoy Tashqi ishlar vazirligi matbuot kotibi Lin Jianning so‘zlariga ko‘ra, “Amerika strategiyasi qo‘llab-quvvatlanmaydi va yakuni muvaffaqiyasiz tugaydi”.

Yuanning zaiflashishi va bozorning rekord darajadagi o‘zgaruvchanligi bilan Xitoy boshqa sohalarda bosimni oshirishi mumkinligini ko‘rsatmoqda. Asosiy dastaklardan biri strategik ahamiyatga ega nodir tuproq metallarini eksport qilishni cheklashdir . Qo‘shma Shtatlar elektronika, mudofaa va energiya ishlab chiqarishda ularga bog‘liq. Agar etkazib berishga to‘liq taqiq qo‘yilsa, Pekin Amerika iqtisodiyotining muhim tarmoqlarida ta’minot zanjirlarini yopishi mumkin.