Rus armiyasi Xarkovga dronlar bilan hujum qildi

Rossiya armiyasi 10 fevral, shanbaga o‘tar kechasi Xarkovga dronlar bilan hujum qildi. Xarkov viloyati harbiy boshqarmasi boshlig‘i Oleg Sinegubovga ko‘ra, zarbalar natijasida kamida yetti kishi halok bo‘lgan. Viloyat prokuraturasining ma’lum qilishicha, yana bir kishi kuyish jarohati bilan kasalxonaga yotqizilgan.

Dastlabki ma’lumotlarga ko‘ra, rossiyalik harbiylar «Shahed» uchuvchisiz samolyotini Belgorod viloyati hududidan uchirgan. Xarkovning Nemishlyanskiy tumaniga uchta dron urib tushirilgan, natijada yoqilg‘i quyish shoxobchasi vayron bo‘lgan. Shahar meri Igor Terexovning so‘zlariga ko‘ra, yoqilg‘ining to‘kilishi oqibatida 3700 kvadrat metrdan ortiq maydonni qamrab olgan yong‘in sodir bo‘lgan. Viloyat prokuraturasi hodisa oqibatida 15 dan ortiq turar-joy binolari vayron bo‘lganini aytmoqda.

Bundan tashqari, Velikiy Burluk qishlog‘i ham o‘qqa tutildi, deya qo‘shimcha qildi Sinegubov.

Rossiya Ukrainaga qarshi hujumlarini kuchaytirmoqda

Rossiya armiyasi Ukraina hududiga uchuvchisiz va dron hujumlarining intensivligini jiddiy oshirmoqda. Shunday qilib, 30 yanvarga o‘tar kechasi 35 ta dron qo‘nganligi haqida xabar berilgan edi. 2 fevral kuni 24 ta «Shahed» dronlari Krivoy Rogga hujum qildi. 7 fevral kuni esa Rossiya armiyasi Ukrainaning bir qancha hududlarini o‘qqa tutdi.