Rossiyalik mutaxassislar Shimoliy Koreyaga ayg‘oqchi sun’iy yo‘ldoshlarni uchirishda yordam bermoqda — Yonhap
![Rossiyalik mutaxassislar Shimoliy Koreyaga ayg‘oqchi sun’iy yo‘ldoshlarni uchirishda yordam bermoqda — Yonhap Rossiyalik mutaxassislar Shimoliy Koreyaga ayg‘oqchi sun’iy yo‘ldoshlarni uchirishda yordam bermoqda — Yonhap](/photos/news/CvO95ipjtYnDaB1.jpeg)
Agentlikning Janubiy Koreya rasmiysiga tayanib xabar berishicha, ayg‘oqchi sun’iy yo‘ldoshlarni uchirishda yordam berish uchun Rossiya Federasiyasidan ko‘p sonli mutaxassislar KXDRga yetib borgan.
Uning so‘zlariga ko‘ra, bu Vladimir Putin o‘tgan yili Shimoliy Koreya sun’iy yo‘ldosh dasturini qo‘llab-quvvatlashga va’da berganidan keyin sodir bo‘lgan.
"KXDR oxirgi marta noyabr oyida orbitaga ayg‘oqchi sun’iy yo‘ldoshni olib chiqqan va bu yil orbitaga yana uchta shunday qurilma olib chiqishga va’da bergan edi. Rossiyalik mutaxassislar sun’iy yo‘ldoshlarni uchirishda “yuqori texnik standartlar”ga rioya qilishlari mumkin, bu esa kechikishga sabab bo‘lmoqda", — deya ta’kidladi rasmiy.
Janubiy Koreya harbiylarining qayd etishicha, Pxenyan hozirda yangi sun’iy yo‘ldoshlarni uchirishga tayyorgarlik ko‘rayotgan bo‘lishi mumkin.