Ronalduning ketishi La Liganing obro‘sini tushiradimi? La Liga prezidenti bu savolga javob berdi

Xabaringiz bor, bugun Ronaldu rasman “Yuventus” futbolchisiga aylandi. Portugaliyalik futbolchining La Ligadagi, “Real”dagi missiyasi tugadi va u endi A seriya sharafini himoya qiladi. Krishtiani “Yuventus” bilan 4 yillik shartnomaga imzo chekdi.

Xo‘sh, portugaliyalik futbolchining ketishi La Laiga obro‘siga ta’sir ko‘rsatadimi? La Liga prezidenti Xaver Tebas bu savolga javob berdi:

“Besh yil oldin xotirjamligimni 10 balldan 9 ballga baholardim. Endi esa 10 balldan 4 ballga baholayman. Biz bu yillar davomida bizning Ligada eng kuchi klublar va futbolchilar bo‘lishi uchun juda ko‘p ishlarni amalga oshirdik. Biz oxirgi yillarda juda ko‘p televizion shartnomalar tuzdik, chunki Messi va Ronaldu La Ligada o‘ynab turganida hech kim e’tiborini boshqa tomonga qaratmasdi. Endi bunday bo‘lishi qiyin. Ronalduga minnatdorchilik bildiramiz”, dedi Tebas.