Ronalduning fikricha, u endi “Real”ga kerak emas

“Real” yetakchisi Krishtianu Ronaldu Madriddan ketishga astoydil bel bog‘lagan ko‘rinadi. U klubning navbatdagi taklifini ham rad etdi.

Ma’lumotlarga ko‘ra, “Real” portugaliyalik futbolchiga yiliga 25 mln yevro maosh va 7 mln yevrolik bonus (agar “Real” musobaqalarda g‘olib bo‘lsa va Ronaldu shaxsiy sovrinlarni qo‘lga kiritsa) taklif qilgan. Biroq Krishtianu bu taklifga rozi bo‘lmagan. “El Mundo Deportivo” nashrining yozishicha, Ronaldu Neymar va Messi bilan bir xil maosh olmoqchi. “Qirollik klubi” esa Ronalduning bu xohishini qanoatlantirmoqchi emas. Ronaldu esa buni quyidagicha tushunmoqda: “Men endi “Real”ga kerak emasman”. Shu bois Krishtianu jamoadan ketishni eng ma’qul yo‘l deb hisoblayapti.