Qirolicha Yelizaveta II qirollik vazifalarining bir qismini shahzoda Charlzga o‘tkazadi

Buyuk Britaniya qirolichasi Yelizaveta II o‘z vazifalarining bir qismini Uels shahzodasi Charlzga o‘tkazadi. Daily Mail xabariga ko‘ra, Bukingem saroyi tomonidan e’lon qilingan monarxning vazifalari ro‘yxatiga o‘zgartirishlar kiritilgan.

Ushbu ro‘yxatga 10 yil ichida birinchi marta tuzatishlar kiritildi.

Qirolicha hali ham davlat va millat boshlig‘i bo‘lib qolgan. Ilgari monarxning davlat rahbari sifatidagi vazifalari ro‘yxatiga parlamentning yangi sessiyalarini ochish, bosh vazirni tayinlash, davlat tashriflari kabi 13 band kiritilgan edi.

Endi, aniq formulalar o‘rniga, "qirolicha bir qator diplomatik va parlament vazifalarini bajaradi", shuningdek, u faqat "Qirollikning chet ellik mehmonlarini qabul qiladi" degan noaniqroq ma’lumotlar e’lon qilindi.

Millat rahbari sifatida Yelizaveta II o‘z vazifalarini “kerak bo‘lganda” bajaradi.