Putinning ultimatumi va AQShning harakatlari dollarga zarba berdi - GT

Moskva G‘arbdan gaz uchun to‘lovni faqat rublda to‘lashni talab qilib, o‘z iqtisodini mustahkamlagani, AQShning Rossiyaga qarshi ba’zi qadamlari boshqa mamlakatlarni dollardan voz kechishni boshlaganiga misol bo‘la oladi. Bu haqda Xitoyning “Global Times” nashri yozmoqda.

“Bunday dadil chora (Rossiyaning ultimatumi – tahr.) darhol rubl qiymatini barqarorlashtirishga va G‘arb sanksiyalarining salbiy ta’sirini sezilarli darajada yumshatishga yordam berdi”, deyiladi nashrda.

Bundan tashqari, AQSh rasmiylarining harakatlari: Rossiya aktivlarini muzlatish va noto‘g‘ri pul-kredit siyosati ham AQSh valyutasiga qarshi o‘ynaydi, deyiladi maqolada.

“AQSh Vashingtonning buyrug‘iga bo‘ysunishdan bosh tortgan har qanday odamning aktivlarini tortib olishi mumkinligi haqidagi g‘oya haqiqatdan ham asabiylashtiradi va ko‘proq mamlakatlarni o‘z zahira aktivlarini dollardan uzoqlashtirishga undaydi”, deyiladi xabarda.

Mualliflarning fikricha, AQSh Federal rezerv tizimi faqat Amerika va Uoll-strit investorlarining manfaatlari haqida qayg‘uradi, AQSh markaziy banki esa so‘nggi paytlarda tez-tez xato qilib, likvidlik va inflyasiya inqirozlarini keltirib chiqarmoqda.

“Shunday qilib, G‘arbning Rossiyaga nisbatan qo‘llagan misli ko‘rilmagan sanksiyalari, jumladan, uning markaziy bankiga nisbatan cheklovlar hozirda AQSh dollari hukmronligini tobora zaiflashtirishga tahdid solmoqda va xalqaro valyuta tizimining yanada katta bo‘linishiga olib kelishi mumkin”, deyiladi maqolada.

Ukrainani denasifikasiya i demilitarizasiya qilish bo‘yicha maxsus harbiy operasiya boshlanganidan so‘ng G‘arb Moskvaga nisbatan sanksiyalar bosimini kuchaytirdi. Cheklovchi choralar birinchi navbatda bank sektori va yuqori texnologiyali mahsulotlarga ta’sir ko‘rsatdi. Ko‘pgina brendlar Rossiyadan chiqishini e’lon qildi.

Prezident Vladimir Putin Rossiyani jilovlash va kuchsizlantirish siyosati G‘arb uchun uzoq muddatli strategiya ekanligini va sanksiyalar butun jahon iqtisodiyotiga jiddiy zarba berganini ta’kidladi. Uning so‘zlariga ko‘ra, AQSh va Yevropaning asosiy maqsadi millionlab odamlar hayotini yomonlashtirishdir.