Putin har oy 24 ming askarni qurbon qilmoqda — Germaniya kansleri

Olaf Sholsning so‘zlariga ko‘ra, Ukrainadagi urushda bir oy davomida o‘rtacha hisobda shuncha rossiyalik harbiy xizmatchi halok bo‘lyapti yoki og‘ir yaralanyapti.

"Bularning hammasi Rossiya prezidentining imperialistik ambisiyalari uchun qilinmoqda. Putin Ukraina va Belarusni Rossiyaning bir qismi deb hisoblaydi va shu bilan o‘nlab yillar davomida amalda bo‘lgan chegaralar daxlsizligi tamoyilini buzdi. Putin ko‘plab ukrainalik harbiylar va tinch aholining o‘limi uchun ham javobgardir", — deya ta’kidladi Germaniya hukumati rahbari.