Polshada Aleksey Navalniyning safdoshi Leonid Volkovga uyushtirilgan hujumga aloqadorlikda gumon qilingan ikki kishi qo‘lga olindi
Bu haqda Litva prezidenti Gitanas Nauseda matbuot anjumanida ma’lum qildi. Prezidentning so‘zlariga ko‘ra, gumonlanuvchilarni qo‘lga olish operasiyasi Polsha va Litva huquq-tartibot idoralari xodimlari tomonidan hamkorlikda amalga oshirilgan.
12 mart kuni kechqurun noma’lum shaxslar Volkovning Vilnyusdagi uyi yonida bolg‘a bilan hujum qilishgan edi. Hujumchilar Volkovning mashinasi oynalarini sindirib, unga ko‘zdan yosh oqizuvchi gaz sepgan, shundan so‘ng Leonidni bolg‘a bilan kaltaklagan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
