Oziq-ovqat xavfsizligi: yil davomida narxlar barqarorligini ta’minlaydigan doimiy intervensiya tizimi joriy etiladi

Hozirgi tez o‘zgaruvchan sharoitda oziq-ovqat mahsulotlari bozorida narx-navo barqarorligini va mamlakat oziq-ovqat xavfsizligini ta’minlash doimiy e’tibor markazida bo‘lishi shartligi ta’kidlandi.

“To‘g‘ri, kuz-qish mavsumi uchun asosiy turdagi oziq-ovqat mahsulotlarini zaxira qilyapmiz. Endi bu ishni yil davomida amalga oshirib, narxlar barqarorligini ta’minlash uchun doimiy intervensiya tizimi joriy etiladi”, – dedi Prezident.

Fermerlar uchun yangi qo‘llab-quvvatlash choralari

Yaqindagina ozuqabop, moyli ekinlar va kartoshka yetishtiruvchilarni rag‘batlantirish bo‘yicha yangi mexanizmlar e’lon qilindi. Unga ko‘ra:

• kelgusi yili fermerlarga 2025 yilda olgan hosil qiymatining 50 foizi miqdorida,

• Qishloq xo‘jaligi jamg‘armasi tomonidan 12 foizli imtiyozli kredit ajratiladi;

• xorijiy valyutadagi kreditlarda 8 foizdan yuqori bo‘lgan qizmni davlat qoplab beradi;

• kreditlar bo‘yicha 50 foizgacha davlat kafolati taqdim etiladi.

Kartoshka urug‘chiligiga qo‘llab-quvvatlash

Har yili “in-vitro” laboratoriyalarida virusdan xoli 10 milliondan ortiq kartoshka mini-to‘ganaklari tayyorlanib, ular urug‘chilik xo‘jaliklariga bepul beriladi.

Mazkur choralar fermerlar xarajatini kamaytirish, hosildorlikni oshirish va ichki bozorda oziq-ovqat mahsulotlari tanqisligining oldini olishga qaratilgan.