Olimlar koronavirusni yenga oladigan antijism topishdi

Niderlandiyalik va nemis olimlari eksperimental monoklonal antijismni sintezlash jarayonini o‘tkazishdi. Bu antijism laboratoriya sharoitida koronavirus infeksiyasini yengishga muvaffaq bo‘ldi. Bu haqda Nature Communications ilmiy nashrida xabar berildi.

Utrext universiteti laboratoriyasida tayyorlangan oqsil moddasi odam immuniteti ishlab chiqaradigan moddaga o‘xshaydi. Uning vazifasi zararlangan joyni topish va aynan o‘sha joyga ta’sir o‘tkazishdan iborat

Tajribalar davomida 47D11 yangi antijismi nafaqat SARS-CoV-2, balki, unga turdosh bo‘lgan va o‘tkir respirator sindrom keltirib chiqaradigan SARS-CoV virusini ham yenga oldi.