Oksford universiteti va JSST Covid-19 uchun dorilarni sinashni boshladi

Buyuk Britaniyadagi shifoxonalarda Covid-19 dorilarining klinik sinovlari boshlandi, unda 8000 dan ortiq bemor ishtirok etadi.

Oksford Universiteti homiyligida o‘tkazilgan RECOVERY deb nomlangan sinovlar uchun beshta dori mavjud, deya xabar beradi BBC.

Ular orasida - OITSni davolashda ishlatiladigan kombinatsiyalangan dori va bezgakka qarshi dorilar ham bor. Tadqiqotchilar ushbu dorilar odamlarda koronavirus ko‘payishini to‘xtata oladimi yoki yo‘qligini aniqlashmoqchi.

Shuningdek, yallig‘lanishni kamaytiradigan va immun tizimining reaksiyasini bostiradigan dorilar ham o‘rganilmoqda. 

Klinik sinovlar Buyuk Britaniyadagi 170 ga yaqin shifoxonalarga ta’sir qiladi, ammo ular dunyoning yuzdan ortiq mamlakatlarida o‘tkaziladi. Ularning asosiy vazifasi koronavirusdan o‘limni kamaytiradigan dorilarni tanlashdir.

"Ushbu testlarga qancha bemorni jalb qilsak, natijaga shunchalik tez erishamiz", deydi tadqiqot rahbari Piter Burbey. 

JSST chorshanba kuni Covid-19 dorilarining global sinovlari boshlanganligini e’lon qildi, 1200 dan ortiq ko‘ngillilar ushbu sinovlarga jalb qilindi.