Nazarboyev Qozog‘iston farovonligi uchun Tokayevni qo‘llab-quvvatlashga chaqirdi

Mamlakat farovonligi uchun qozog‘istonliklar respublikaning amaldagi prezidenti Qosim-Jomart Tokayevni qo‘llab-quvvatlashi kerak.

“Xabar 24” portalining xabar berishicha, bu haqda respublikaning sobiq prezidenti Nursulton Nazarboyev ma’lum qildi.

"Hozir, mana shunday og‘ir damda yurtimizda tinchlik borligi uchun Xudoga shukronalar aytaman. Farovonlik davom etishi uchun biz hozirgi davlat rahbarini qo‘llab-quvvatlashimiz kerak. Birlashgan bo‘lsak, biz kuchlimiz", - dedi Nazarboyev Ostona bosh masjidida akasi Bolat Nazarboyevning vafoti munosabati bilan o‘tkazilgan xotira ziyofatida.