Navoiyda yo‘lovchi avtobusi ag‘darilib ketdi. 5 kishi kasalxonada

2022 yil 3 may kuni soat 10:00 larda, Navoiy viloyati, Qiziltepa tumani hududidan o‘tuvchi 4R-65 avtomobil yo‘lining 23-24 kilometrlari oralig‘ida haydovchi, 1973 yilda tug‘ilgan K.O‘. "Yutong" rusumli avtobusda harakatlanayotib, ehtiyotsizligi oqibatida rul boshqaruvini yo‘qotgan va avtobus yo‘l chetiga ag‘darilgan.

YTH natijasida 5 nafar yo‘lovchilar tan jarohati bilan shifoxonaga yotqizilgan.

Ushbu YTH yuzasidan Navoiy viloyati IIB huzuridagi TB tomonidan O‘zbekiston Respublikasi Jinoyat Kodeksining 266-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.