Muhammad Saloh jazolanadigan bo‘ldi

Yaqinda "Liverpul" hujumchisi Muhammad Saloh klub va bosh murabbiy Arne Slotdan noroziligini ochiqchasiga bildirgan edi.

Misrlik "qizillar" so‘nggi daqiqalarda (3:3) g‘alabani boy bergan "Lids"ga qarshi o‘yindan keyin shov-shuvli intervyu berdi. 33 yoshli futbolchining o‘zi esa butun o‘yinni zaxirada o‘tkazdi. Jurnalist Aleks Krukning yozishicha, "Liverpul" bosslari hozirgi vaziyatda niderlandiyalik murabbiyni to‘liq qo‘llab-quvvatlamoqda, Salohni esa jazo kutayotganga o‘xshaydi: u Chempionlar ligasining "Inter"ga qarshi bo‘lajak o‘yiniga jamoa bilan bormasligi mumkin, shuningdek, Premyer-liganing navbatdagi "Brayton"ga qarshi o‘yinida ishtirok etishi dargumon.

Ma’lum bo‘lishicha, hozirda qishki transferlar oynasi davomida OAVda Muhammad Salohning ketishi haqida gap-so‘zlar yuribdi, ammo yulduz futbolchining kelajagi masalasida hozircha aniqlik yo‘q.