Maktab o‘quvchisi tomog‘idagi muammolardan shikoyat qildi va miya saratonidan vafot etdi

Britaniyaning Butl shahridan bo‘lgan maktab o‘quvchisi yutish jarayonida muammolarga duch kelganidan so‘ng, miya saratonidan vafot etdi, deb yozadi The Mirror.

Sakkiz yoshli Klaudiya Karrik kasallikning dastlabki belgilarini 2021 yil 11 fevralda payqadi. Qiz onasiga uning tomog‘ida shish borligini aytdi va yutish qiyinligidan shikoyat qildi. Xuddi shu kuni Karrik kasalxonaga yotqizilgan.

Alder Hey kasalxonasida o‘tkazilgan tekshiruv natijasida bemorning miyasida suyuqlik to‘planganligi aniqlandi. Amaliyot davomida qizda davolanishga javob bermaydigan diffuz ichki ko‘pikli glioma deb nomlangan o‘sma paydo bo‘lganligi ma’lum bo‘ldi.

16 fevral kuni Klaudiyaning onasi Elison Karrik qiz yaqinda vafot etishini bilib qoldi. "Kasallik juda sekin rivojlanadi, shuning uchun dastlab siz buni sezmaysiz, keyin esa agressiv alomatlar paydo bo‘ladi", dedi marhumning qarindoshlari. Koronavirus tufayli cheklovlarga qaramay, oila Klaudiya o‘limidan oldin iyul oyida uning yonida bir necha kun yotdi.

"Bizga agar fevral oyida qizimizni shoshilinch ravishda kasalxonaga olib kelmaganimizda, u yotgan joyida komaga tushishi mumkinligi aytilgandi", deb qo‘shimcha qildi qarindoshlar.