Makron Ukraina va Rossiyani muzokaralar stoliga qaytarish uchun barcha imkoniyatlarni ishga solish zarurligini aytdi
Fransiya yetakchisi Emmanuel Makron Ukraina va Rossiya Federasiyasini muzokaralar stoliga qaytarish uchun barcha imkoniyatlarni ishga solish zarurligini aytdi. Bu haqda BFM TV telekanali xabar bermoqda.
“O‘ylaymanki, bugun biz hamma narsani qilishimiz kerak, shunda ishtirokchi tomonlar tanlagan vaqtda, Ukraina bunga qodir bo‘lganda, tomonlar muzokaralar stoliga qaytsin”, — dedi Fransiya prezidenti.
Makronning so‘zlariga ko‘ra, muzokaralar mojaroning har ikki tomoni ularga tayyor bo‘lishi bilanoq o‘tkazilishi kerak. Shu bilan birga, Fransiya rahbarining so‘zlariga ko‘ra, muzokaralarda Ukraina tomonidan ilgari surilgan talablar hisobga olinishi kerak.
Shuningdek, Makron Fransiya “Rossiya Federasiyasi bilan urush qilmayotgani” va Kreml bilan muloqotni davom ettirishga tayyor ekanligiga e’tibor qaratdi.
