Makron: Turkiya Ukraina muzokaralarida muhim rol o‘ynadi

Fransiya prezidenti Emmanuyel Makron Parijda Ukraina yetakchisi Vladimir Zelenskiy bilan muzokara o‘tkazdi, so‘ng qo‘shma matbuot anjumani o‘tkazdi.

Makron Fransiya “Ukrainani to‘liq qat’iyat bilan qo‘llab-quvvatlashda davom etishini” ta’kidladi va uchrashuvning o‘zi ertasi kuni Parijda o‘tkazilishi rejalashtirilgan Ukrainada xavfsizlik va tinchlik bo‘yicha sammitga tayyorgarlik bo‘ldi.

Fransiya rahbarining aytishicha, Ukraina 2 milliard yevro miqdoridagi qo‘shimcha harbiy yordam oladi, jumladan, qurol-yarog‘ yetkazib berish va qo‘shma qurol ishlab chiqarish loyihalarini qo‘llab-quvvatlash. Makron, shuningdek, Rossiyani erishilgan kelishuvlarni hurmat qilishga va hujumlarni to‘xtatishga chaqirdi.

Uning so‘zlariga ko‘ra, Ukraina Jiddada taklif qilingan 30 kunlik o‘t ochishni to‘xtatish kelishuvini allaqachon ma’qullagan, endi esa bu ish Moskvada.

"Rossiya haligacha aniq javob bermadi", dedi Makron. "Biz hujumlar to‘xtashini kutamiz."

Fransiya rahbari, Turkiyaning vositachilik harakatlaridagi rolini alohida qayd etdi. U 2022-yilda Anqara va BMT ishtirokida erishilgan don kelishuvini eslatib o‘tdi va keyinchalik Rossiya kelishuvdan chiqqanidan afsusda ekanini bildirdi.

"Qora dengizdagi tinch yo‘llarni tiklash uchun harakat qildik. Bunda Turkiya muhim rol o‘ynadi" dedi Makron va "Qora dengizga kelganda Turkiya juda alohida o‘rin tutadi" dedi.

Kelajakdagi xavfsizlik kafolatlari doirasida Ukrainaga qo‘shin yuborish haqidagi savolga Makron bunday bo‘linmalar “jangovar bo‘linmalar bo‘lmaydi” va “to‘xtatuvchi” sifatida tinchlik kelishuvining bir qismi bo‘lishini aytdi.

Shuningdek, u Rossiyaga qarshi sanksiyalarni bekor qilish masalasini muhokama qilishga hali erta ekanligini ta’kidladi: “Bu Moskva xalqaro qonunlarga rioya qilishiga bog‘liq bo‘ladi”.