KXDR taktik ballestik raketa uchirdi

KXDR harbiylari 10 mart kuni, taxminlarga ko‘ra, uchish masofasi 300 kmdan oshmaydigan ballistik raketalarni uchirdi. Bu haqda «Yonhap» agentligi janubiykoreyalik harbiylarga tayanib xabar berdi.

Agentlik aniqlik kiritishicha, uchirish Xvanxe-Pukto viloyatidagi Xvandju aholi punkti atrofidan Sariq dengiz tomon amalga oshirilgan. Avvalroq uchirish mahalliy vaqt bilan soat 13:50 (Moskva vaqti bilan 07:50) da sodir bo‘lgani xabar qilingan edi. Janubiy Koreya Qo‘shinlar bosh shtablari qo‘mitasi raketa «yaqin masofaga uchiriladigan ballistik raketa» bo‘lishi mumkinligini taxmin qilmoqda. Agentlik ma’lumotiga ko‘ra, raketa 60 dan 100 km gacha masofani bosib o‘tgan.

10 mart kuni AQSh va Janubiy Koreya «Freedom Shield» deb nomlangan keng ko‘lamli harbiy mashg‘ulotlarni boshladi. KXDR Tashqi ishlar vazirligi bu mashqlarni «agressiv urush uchun mashq» deb atadi va ular Koreya yarimorolidagi vaziyatni yanada keskinlashtirayotganini ta’kidladi. Pxenyan bu mashqlar AQSh xavfsizligiga salbiy ta’sir ko‘rsatishini va javob tariqasida KXDR mintaqa tinchligini mustahkamlashga qaratilgan sa’y-harakatlarni kuchaytirishini ma’lum qildi.

Shuningdek, «Yonhap» ta’kidlashicha, bu ballistik raketa uchirilishi AQSh prezidenti Donald Tramp 20 yanvarda inaugurasiya qilinganidan keyingi birinchi bunday holatdir. 26 fevral kuni strategik qanotli raketalar uchirilgan edi.