Jurnalistlar bulutlar soyasida yastanib yotgan tog‘lar qo‘ynidagi ko‘lda bo‘lishdi

Toshkent viloyati Ohangaron tumani Ertoshsoy qishlog‘idagi mashhur Arashan ko‘lga mahalliy jurnalistlar bilan press tur tashkil qilindi. 10 ga yaqin OAV vakillari ko‘lning jozibasi, uning tarixi bilan qiziqdi.

Bugun tumanda turizm salohiyati tobora ortib borayotgan bir pallada ushbu qishloqning tabiat mo‘jizasi hisoblanmish Arashon ko‘liga ko‘plab sayyohlar kelishmoqda.

Tog‘larning bag‘ridan kesib o‘tib uzoq masofani bosib o‘tuvchi qiziquvchilar, yo‘lning o‘nqir-cho‘nqiriga ham qaramasdan mazkur ko‘lning ajoyibtovur hislatidan, go‘zaligidan, ayniqsa o‘sha yerda joylashgan buloq suviga yerinmay borib qaytishmoqda.

Dengiz satxidan 3000 metr balandlikda joylashgan ushbu ko‘llarni ko‘rishga oshiqqan sayyohlar u yerda mavjud shifobaxsh buloqda yuvinib qaytishadi. Turli kasalliklarga shifo mazkur Arashan buloq suvining harorati 35 C° daraja issiqlikda bo‘lib, unga kelgan mahaliy va xorijiy mehmonlar soatlab yuvinishar ekan.

Bugungi info tur jarayonida jurnalistlar tashrif buyurgan sayohatchilarning o‘zlari bilan ham bu borada suhbat olib borishdi.

Taassurotlarga boy bo‘lgan press turda chorva mollarini boqish maqsadida tog‘ yon bag‘rida vaqtinchalik yashayotgan oilada ham bo‘lgan ijod ahli tandirdan uzilgan issiq nonning ajoyib tarovatini aks ettiruvchi lavhalarni ham to‘plashdi.