Isroil va Misr: tarixiy uchrashuv

Isroil Bosh vaziri Naftali Bennet Misr prezidenti Abdulfattoh as-Sisi bilan dushanba kuni Sharm ash-Shayx shahrida uchrashdi.

Bosh vazir Bennet bo‘lib o‘tgan uchrashuvni "juda muhim va samarali" deb atadi. Bu Isroil hukumati rahbarining so‘nggi 11 yil ichida Misrga birinchi tashrifi hisoblanadi.

Tomonlar uch soat davomida yuzma-yuz suhbatlashib, mintaqadagi tinchlik jarayonini qayta tiklash istiqbollariga e’tibor qaratishdi. Uchrashuv oxirgi kunlarda G‘azo sektori atrofida keskinlik kuchayib borayotganligi sharoitida bo‘lib o‘tdi.