Iroq hukumati qizlarga 9 yoshdan turmushga chiqishga ruxsat bermoqchi. Xalq norozi

Iroq parlamenti qizlar uchun turmush qurishning minimal yoshini 9 yoshga tushirishni nazarda tutuvchi qonun loyihasini ko‘rib chiqmoqda, deb yozadi The Guardian.

Iroq Adliya vazirligi qonun loyihasini ko‘rib chiqish uchun taqdim etdi. Rasmiylarga ko‘ra, qizlarni boshlang‘ich maktabdan so‘ng darhol turmushga berish kerak. Bu ularga «axloqsiz munosabatlardan» qochishga yordam beradi. O‘g‘il bolalar uchun esa yosh chegarasi 15 yosh etib belgilanishi mumkin.

Qonun loyihasida nikoh yoshini pasaytirishdan tashqari, oilalarga ajrashish, bolalar va mol-mulk bo‘linishi, meros bo‘yicha – dunyoviy hokimiyat yoki diniy vakillar masalalarini kim hal qilishini tanlash huquqini berish taklif etiladi. Mutaxassislarning fikricha, bu ayollar huquqlarining keng miqyosda buzilishiga olib keladi, chunki barcha ishlar erkaklar foydasiga hal qilinadi.

Iroqdagi qonun loyihasi butun mamlakat bo‘ylab noroziliklarga sabab bo‘lgan.