Ikki juft oyoq kiyim qimmatga tushdi

Ikki juft oyoq kiyim qimmatga tushdi

Toshkent shahri, Olmazor tumanida yashovchi 17 yoshli (qiz) SH.M. ariza bilan murojaat qilib, “Telegram” messenjeridagi “ayollar oyoq kiyimi” nomli guruhda, noma’lum shaxs bilan 2 juft oyoq kiyim sotib olishga kelishib, jami 390.000 so‘m pullarni o‘tqazib berib, aldanib qolganligini ma’lum qilgan.

O‘tkazilgan tezkor-qidiruv tadbirlari natijasida, ushbu jinoyatni Andijon viloyati, Andijon shahrida yashovchi 42 yoshli (ayol) M.Z. sodir etganligi aniqlandi.

O‘rganish davomida, M.Z. “Telegram” messenjeridagi “ayollar oyoq kiyimi” nomli guruhda SH.M. bilan tanishib, 2 juft oyoq kiyim yetkazib berishni va’da qilgan va oldindan 390.000 so‘m pullarini o‘tkazib olib, SH.M.ning qo‘ng‘iroqlariga javob bermay, uni qora ro‘yxatga kirgazib qo‘ygan.

M.Z.ga nisbatan Jinoyat Kodeksining 169-moddasi 3-qismi bilan jinoyat ishi qo‘zg‘atilib, jinoiy javobgarlikka tortildi.

Qonunga muvofiq, M.Z tomonidan sodir etilgan jinoiy harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!