Germaniyaning yetakchi OAVlari Alisher Usmonov haqidagi maqolalarini tahrirlashga majbur bo‘ldi

Nemis matbuoti sentyabr oyida Bavariyadagi bir nechta uyda o‘tkazilgan keng ko‘lamli o‘tkazilgan tintuvlarni 2022 yil fevralidan beri Yevropa Ittifoqi sanksiyalari ostida qolayotgan Alisher Usmonovga bog‘lagan edi.

Xususan ayblovlar ichida Usmonovni Germaniyada pul yuvish, soliq to‘lashdan bo‘yin tovlash va Yevropa Ittifoqi sanksiyalarini buzish kabi qonunbuzarliklari bor edi. Usmonovning o‘zi Germaniyadagi ko‘chmas mulk egasi emasligini ta’kidlab, barcha ayblovlarni darhol rad etib, yuqorida ko‘rsatilgan ob’ektlardan ijara asosida foydalanganligini ma’lum qilgan edi.

Berliner Zeitung nashrining yozishicha, nemis rasmiylarining bu da’volari bo‘yicha jamoatchilikka hali hech qanday dalil taqdim etmagan, Usmonovning yuristlari DPA va uning maqolasini qayta chop etgan va boshqa OAVlarni o‘z maqolalarini tuzatishga majbur qila olgan. Bundan tashqari yuristlar Myunxen prokuraturasini o‘z veb-saytidan Alisher Usmonovga nisbatan noto‘g‘ri ayblovlar tarqatilgan press-relizni olib tashlashga ham majburlashga muvaffaq bo‘lishgan.