Fridrix Mers: Ukraina o‘z yerlarini qaytarishi kerak

"Ukraina hech qachon Rossiyani mag‘lub eta olmaydi, bunday maqsad qo‘yilmagan ham. Ammo men uchun g‘alaba o‘z hududida suverenitetni qayta tiklashdir. Rossiya bu mamlakatga hujum qilishni to‘xtatishi kerak. Biz Rossiyaga harbiy kuch ishlatish bilan urushni davom ettirishning befoydaligini ko‘rsatishga harakat qilishimiz zarur, biroq hali bu darajadan uzoqdamiz", deya fikr bildirdi Bild nashriga bergan intervyusida Germaniya kanslerligiga nomzod Fridrix Mers.

Uning so‘zlariga ko‘ra, Ukrainadagi ikki yarim yillik urush natijasi "juda dahshatli". "Biz harakatni juda kech boshladik va kam ish qildik", dedi Mers.