Evropa Ittifoqida elchixonalar uchun pul yetishmay qoldi

Evropa Komissiyasi inqirozga yuz tutdi va butun dunyo bo‘ylab elchixonalarda xodimlarni qisqartirishni rejalashtirmoqda. Bu qadam resurslarni strategik muhim sanalgan mamlakatlarga qayta taqsimlashga yordam berishi kerak, deb yozadi Politico.

Nashr ma’lumotlariga ko‘ra, yil yakuniga ko‘ra, Yevropa Ittifoqining tashqi harakatlar xizmatida budjet mablag‘larining katta miqdorda ortiqcha sarflanishi qayd etilgan.

Bryussel EIga qo‘shilish istagida bo‘lgan davlatlar, blokning bevosita qo‘shnilari, G20 mamlakatlari, rivojlanayotgan kuchlar va beqarorlik Yevropa Ittifoqi manfaatlariga tahdid solayotgan mintaqalarga e’tibor qaratishni istaydi.

Biroq, bu Afrikaning 30 dan ortiq mamlakatlarida va hatto Braziliya kabi yirik davlatlarda ishtirok etishni qisqartirishni anglatadi. Delegasiyalarni yopish o‘rniga, strategiya Xitoyning «Bir kamar va yo‘l» loyihasiga javoban Yevropa Ittifoqining Global Gateway tashabbusiga muvofiq diplomatlarni mintaqaviy markazlarga birlashtirishni o‘z ichiga oladi.

Tanqidchilarning ogohlantirishicha, bu harakat Yevropa Ittifoqining, ayniqsa Afrika va Lotin Amerikasidagi ta’sirini susaytirib, Rossiya va Xitoyga o‘z ta’sirini kengaytirish uchun joy qoldirishi mumkin.

Qisqartirish xarajatlar ortib borayotgani, inflyasiya va geosiyosiy bosimlar, jumladan, Rossiyaning Ukrainadagi urushi hamda Ukraina va Yaqin Sharqdagi mojarolar bo‘yicha ikki tomonlama standartlarda ayblanishi fonida amalga oshirilmoqda. 2019 yilda «Afrikaga aylanish» va’dasiga qaramay, Evropa qit’adagi mavjudligini oshirish uchun hech narsa qilmadi.

Ushbu qayta qurish operasiyalarni soddalashtirishi va haqiqatan ham budjetlarni saqlab qolishi mumkin bo‘lsada, ko‘pchilik bu Evropa Ittifoqi bilan hamkorlikka muhtoj bo‘lgan mintaqalarda chekinishdan dalolat beradi deb qo‘rqishadi.

Shu bilan birga, EK mudofaa xarajatlarini kengaytirmoqda. Financial Times gazetasining yozishicha, Bryussel mudofaa xarajatlarini oshirish uchun blok mamlakatlariga qo‘shimcha 392 milliard yevro berishga qaror qilgan. Pul to‘g‘ridan-to‘g‘ri qurol sotib olishga sarflanmaydi, balki armiyani modernizasiya qilish va mashg‘ulotlarga sarflanishi mumkin.