Evropa Ittifoqi Misrga 7,4 mlrd yevro miqdorida yordam beradi
G‘azo sektori va Sudandagi mojarolar Yevropaga migrasiya bosimini kuchaytirishi mumkinligidan xavotirda, Yevropa Ittifoqi Misrga iqtisodini mustahkamlash uchun 7,4 milliard yevro miqdorida yordam paketi ajratadi. Bu haqda euronews.com xabar berdi.
Bitim Yevropa komissiyasi prezidenti Ursula fon der Lyayen hamda Belgiya, Italiya, Avstriya, Kipr va Gresiya rahbarlarining Qohiraga tashrifi chog‘ida imzolanadi.
Yordam paketi kelgusi uch yilga (2024-2027) grantlar va kreditlarni o‘z ichiga oladi.
Evropa Ittifoqining Misrdagi delegasiyasi hujjatiga ko‘ra, bu Qohira va Bryussel o‘rtasida turli sohalarda, jumladan, iqtisodda ham hamkorlikni kengaytirishga yo‘l ochadi.
Evropa Ittifoqi Misr hukumatiga o‘z chegaralarini, ayniqsa Afrika va Yaqin Sharqdagi qashshoqlik va mojarolardan qochgan muhojirlar uchun asosiy tranzit nuqtasi bo‘lgan Liviya bilan chegaralarini mustahkamlashda yordam beradi.
Misr o‘nlab yillar davomida urush yoki qashshoqlikdan qochib qutulmoqchi bo‘lgan Afrikaning Sahroi Kabirdan davlatlaridan kelgan muhojirlar uchun boshpana bo‘lib kelgan. Ba’zilar uchun Misr maqsad va boshpana, ular yetib borishlari mumkin bo‘lgan eng yaqin va eng oson mamlakatdir. Boshqalar uchun bu O‘rta yer dengizidan Yevropaga xavfli o‘tish oldidan tranzit nuqtasidir.
