Evroittifoq va AQSh Rossiyaga qarshi sanksiyalar masalasida kelisha olmayapti(mi)?

Evroittifoq va AQSh Rossiyaga qarshi sanksiyalar masalasida kelisha olmayapti.

Bu haqida Süddeutsche Zeitung xabar berdi.

Nashrning Germaniya Tashqi ishlar vazirligi yopiq hisobotiga tayanib xabar berishicha, Yevroittifoq Rossiyaga nisbatan sanksiyalar ijrosini nazorat qilish masalasida AQSh va Xitoy bilan kelishuvga erisha olmagan.

20 may kuni bo‘lib o‘tgan YEI Tashqi ishlar kengashi yig‘ilishidan so‘ng tayyorlangan hujjatga ko‘ra, Yevropa Ittifoqining sanksiyalar bo‘yicha maxsus vakili Devid O'Sallivan AQSh tomonining sanksiyalarni chetlab o‘tish masalasidagi barcha muzokara kanallari to‘xtatilganidan afsus bildirgan. Hujjatda Yevroittifoq endi bu borada Vashingtonning yordami va qo‘lloviga ishona olmasligi, G7 mamlakatlari bilan hamkorlik esa samarasini yo‘qotgani aytiladi.

Evroittifoqining navbatdagi sanksiyalari, ehtimol, Rossiyaning energetika va bank sektorlariga qarshi qaratiladi. Ammo so‘nggi haftalardagi voqealar fonida Qo‘shma Shtatlar bu sanksiyalarda ishtirok etadimi-yo‘qmi, degan savol paydo bo‘lmoqda.

"Muammo shundaki, Vashington aslida sanksiyalar rejimining harakatlantiruvchi kuchi hisoblanadi", — deya izoh berdi Yevroparlament deputati Sergey Lagodinskiy.

Süddeutsche Zeitung'ning yozishicha, savdo cheklovlari o‘z samarasini bermoqda va Rossiya iqtisodiyotiga sezilarli ta’sir ko‘rsatmoqda. Yevroittifoq Armaniston, Serbiya, O‘zbekiston va Hindiston orqali harbiy mahsulotlar eksportini cheklashda muayyan yutuqlarga erishgan. Biroq Qozog‘iston, BAA va Turkiya orqali yetkazib berishlar davom etmoqda, sanksiyalarni chetlab asosiy markazlari esa Xitoy va Gonkong hisoblanadi.

O'Sallivanning so‘zlariga ko‘ra, sanksiyalarni buzishda Yevroittifoqning o‘zidan ham ayrim kompaniyalar ishtirok etmoqda, bu esa Yevrokomissiyaning uchinchi davlatlar bilan muzokaradagi pozisiyasini zaiflashtirmoqda.