Erdog‘an "Qur’on"ning yoqilgani haqida: "Shvesiya endi bizdan umid qilmasin"

Turkiya prezidenti Rajab Toyyib Erdo‘g‘on Stokgolmdagi shov-shuvli harakatlardan so‘ng Shvesiya NATOga ariza berish uchun Turkiyaning bundan buyon qo‘llab-quvvatlashini kutmasligini aytdi.

"Shvesiyadagi va hatto diplomatik vakolatxonamiz yaqinidagi bu nopok harakatlar musulmonlarga, umuman, barcha insonlarga, barcha huquq va erkinliklarga nisbatan haqorat sifatida qabul qilinadi. Siz terrorchilarni qo‘llab-quvvatlashda davom etasiz va NATOga a’zo bo‘lish uchun qo‘llab-quvvatlashni kutmoqdasiz. Bu bo‘lmaydi. Shvesiya bizdan bu yordamni endi kutmasligi kerak”, dedi u.

Eslatib o‘tamiz, Shvesiyada siyosatchi "Qur’on"ni yoqib yubordi va hukumat bunga ruxsat bergani ma’lum bo‘ldi.