Endi OAVlar davlat markazida ro‘yxatdan o‘tkaziladi
Ommaviy axborot va kommunikasiyalar sohasida xizmat ko‘rsatishning ayrim ma’muriy reglamentlari to‘g‘risida Hukumat qarori qabul qilindi. Bu haqda "Huquqiy axborot" kanali xabar qildi.
Unda quyidagi reglamentlar tasdiqlandi:
- ommaviy axborot vositalarini davlat ro‘yxatidan o‘tkazish bo‘yicha davlat xizmati ko‘rsatish;
- matbaa faoliyatini amalga oshirish uchun ruxsat berish bo‘yicha davlat xizmati ko‘rsatish;
- noshirlik faoliyatini lisenziyalash bo‘yicha davlat xizmati ko‘rsatish
Reglamentga ko‘ra, ommaviy axborot vositalarini davlat ro‘yxatidan o‘tkazilganligi to‘g‘risidagi guvohnoma hamda noshirlik faoliyatini amalga oshirish huquqini beruvchi lisenziya cheklanmagan muddatga, matbaa faoliyatini amalga oshirish uchun guvohnoma esa besh yil muddatga beriladi.
