Daniya dunyodagi eng kuchli kvant kompyuterni qurmoqchi
Daniya dunyodagi eng kuchli kvant kompyuterni yaratish rejasini e’lon qildi. QuNorth deya nomlangan ushbu tashabbus Microsoft hamda Atom Computing (Kaliforniya) kompaniyalari hamkorligida amalga oshiriladi, deb xabar berdi Bundle.
Dasturiy ta’minotga Microsoft mas’ul — uning Azure Quantum stekidan foydalaniladi. Apparat qismlarini esa Atom Computing kompaniyasi yetkazadi, ularda «neytral atomlar» asosidagi ilg‘or texnologiya qo‘llanilgan.
Yaratiladigan «Magne» tizimi taxminan 50 ta mantiqiy va 1200 dan ziyod fizik kubit bilan ishlay olishi kutilmoqda. Bu xususiyatlari bilan u shu paytgacha yaratilgan kvant kompyuterlar orasida «eng mukammal» degan nomga da’vo qilishi mumkin.
Shu paytgacha bu ikki jihatni bir tizimda hech kim jamlay olmagan.
«Magne» kompyuterini qurish 2025 yilning kuzida boshlanadi va 2027 yilda foydalanishga topshirish rejalashtirilgan. Tizim poytaxt Kopengagenda o‘rnatiladi va 100 foiz Daniya mulki hisoblanadi.
Loyiha uchun Daniya eksport-investisiya jamg‘armasi (EIFO) hamda Novo Nordisk jamg‘armasi 80 mln yevro ajratdi.
Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!
Shahnoza Mirziyoyeva Musulmon Yunusovning murojaatiga munosabat bildirdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
«Vafot etgan» Bibimaryam tirik ekani tasdiqlandi — Face ID ishga tushdi
