Butun dunyoda koronavirusga qarshi kurashishda Ibn Sino ixtiro qilgan usuldan foydalanilmoqda

Hozirda jahon miqyosida keng qo‘llanayotgan epidemiyani cheklash usuli — karantin buyuk olim va mutafakkir Ibn Sino tomonidan o‘ylab topilgan va ilmiy asoslab berilgan.

Bu haqda Turkiyaning TRT davlat teleradiokompaniyasi alohida maqola chop etdi, deydi "xs.uz".

✏️ «Dunyo koronavirus pandemiyasiga duchor bo‘lgan bir paytda, Jahon sog‘liqni saqlash tashkiloti yuqumli xastaliklar tarqalishining oldini olish maqsadida kasallikning odamdan odamga yuqishiga qarshi kurashishda Ibn Sino ixtiro qilgan karantin usulidan foydalanishni talab qildi», — deyiladi maqolada.