Boshqirdiston O‘zbekistondagi yo‘l qurilishi loyihalariga qiziqish bildirmoqda

Rossiyaning O‘zbekistondagi savdo vakili o‘rinbosari Igor Kaminin Boshqirdistonning yo‘l qurilishi korxonalari vakillari bilan uchrashdi, deb xabar qildi tashkilot matbuot xizmati.

Tomonlar boshqird biznesining O‘zbekistonda avtomobil yo‘llari, temir yo‘l va avtomobil ko‘priklarini qurish loyihalarida ishtirok etish imkoniyatlarini muhokama qildilar.

Shuningdek, Boshqirdiston kompaniyalari vakillari sanoat boshqarmalari, yetakchi loyiha tashkilotlari rahbariyati, salohiyatli buyurtmachilar hamda Buxoro va Samarqand viloyatlari ma’muriyati bilan muzokaralar o‘tkazadi.