Bolalar zaxarlanishi bo‘yicha jinoyat ishi qo‘zg‘atildi — Bosh prokuratura

Namangan viloyatida bolalar zaxarlanganligi holati yuzasidan Jinoyat kodeksining 257-1-moddasi (Sanitariyaga oid qonunchilikni yoki epidemiyaga qarshi kurash qoidalarini buzish) bilan jinoyat ishi qo‘zg‘atildi. Tergov olib borilmoqda, deya ma’lum qildi Bosh prokuratura.

"Eslatib o‘tamiz, avvalroq sog‘liqni saqlash vazirining o‘rinbosari Elmira Bositxonova: «Chust tumanidagi bolalarda kuzatilgan noxush holat dastlabki tekshiruvlarga ko‘ra, dori vositalari yoki ovqatdan zaharlanish emasligi, bu har yili kuz fasli boshlanishida qayd etiladigan o‘tkir respirator infeksiyasi alomatlari», — deb aytgan edi.