Berlin tungi klublari koronavirus keltirayotgan zararning bir qismini qoplash yo‘lini topdi

Berlin tungi klublari musiqalarni translyasiya qilish uchun United We Stream nomli onlayn tarmoqqa birlashdi. Bu haqda Buro 24/7 ma’lum qildi.

Ta’kidlanishicha, loyiha 200 klub va art-menejerlarni o‘z ichiga oluvchi Clubcommission Berlin tashkiloti tomonidan ilgari surilgan. Onlayn translyasiyalar orqali klublar koronavirus epidemiyasi oqibatida kelib chiqqan zararning bir qismini qoplashi rejalashtirilmoqda. Didjeylar chiqishlari aks etgan translyasiyalar har kuni soat 19:00 dan 00:00 ga qadar davom etadi. Veb-saytda keyingi efirga qadar avvalgisini qayta ko‘rish imkoniyati mavjud.

Virtual party’lar uchun biletlar 10 yevro etib belgilangan bo‘lib, umumiy daromad karantindan keyin klublar o‘rtasida taqsimlab olinadi.