Asadning aytishicha, AQSh gegemonligiga qarshi turish uchun davlatlar koalisiyasi zarur

Suriya prezidenti Bashar al-Asad AQShning dunyodagi gegemonligiga qarshi turish uchun davlatlar koalisiyasi zarurligini aytdi.

“SSSR parchalanganidan keyin kamida o‘ttiz yil davom etgan, hatto Koreya urushidan keyin ham ko‘proq davom etgan Amerika agressiyasini to‘xtata oladigan davlat yo‘q deb ayta olmaymiz. Biroq, turli usullar mavjud. Agar siyosiy faollik haqida gapiradigan bo‘lsak, unda bir qator davlatlar o‘rtasida koalisiya zarur”, — dedi Asad RIA Novosti agentligiga.

Uning ta’kidlashicha, ko‘p qutbli dunyo barpo etilishiga hissa qo‘shishi mumkin bo‘lgan qator davlatlar bor.

"Rossiya va Xitoy bu borada katta mas’uliyatga ega", dedi Asad.