Argentina futbol federasiyasi prezidenti Messini terma jamoada olib qolish yo‘lini topdi

Argentina futbol federasiyasi prezidenti Klaudio Tapia terma jamoa yetakchisi Lionel Messini qanday qilib bo‘lmasin terma jamoada olib qolmoqchi. Ma’lumot uchun, Messi Rossiyadagi mundialdan keyin termadagi faoliyatini yakunlashi mumkinligini e’lon qilgandi.

“Messi o‘z mamlakatini sevadi. U o‘ylashimcha, termada qolishi mumkin. Messini Argentina termasida saqlab qolishning faqat bitta yo‘li bor, buning uchun yangi terma jamoa tuzish kerak. Leo 2018 yilgi mundialdan keyin ancha tushkunlikka tushib qoldi, mag‘lubiyatda o‘zini aybdor his qildi. Ammo biz bor mas’uliyatni unga yuklab qo‘ymasligimiz lozim. Messi oddiy odam emas, u superqahramon”, dedi Tapia.