Apple va Google COVID-19 bemorlarini kuzatadigan ilova ishga tushirdi
Dunyoga mashhur Apple va Google kompaniyalari uzoq kutilgan ilovani ishga tushirishdi. U COVID-19 kasalligi bo‘lgan odamning qayerdaligi haqida xabar berib boradi, deb xabar beradi Kazinform Technology Reviewga tayanib.
Ushbu ilova dunyo sog‘liqni saqlash organlariga koronavirus tarqalishini kuzatishga imkon beradi. Dunyo hukumatlari endi ushbu texnologiyadan infeksiya yuqtirgan bemorlarni va ular bilan aloqada bo‘lgan odamlarni kuzatishda foydalanishi mumkin.
Yigirmadan ortiq mamlakatlar bemor bilan aloqada bo‘lgan odamlarni kuzatish uchun o‘zlarining ilovalarini ishlab chiqqan, ammo Apple va Google tomonidan birgalikda ishlab chiqilgan ilova pandemiyaga qarshi kurashni sezilarli darajada tezlashtirishi kutilmoqda.
Global gigantlarning bu sherikligi kasallik yuqtirishi mumkin bo‘lgan odamlarni topish to‘g‘risida ma’lumot almashish imkonini beradi. Apple va Google ma’lumotlariga ko‘ra, beshta qit’adagi 22 ta mamlakat, shuningdek, AQShning bir qator shtatlari APIga ega bo‘lgan.
Apple va Google ma’lumotlariga ko‘ra, koronavirus bilan kasallangan bemorlarni kuzatish texnologiyasi pandemiyani yengib chiqqan mamlakatlarda bosqichma-bosqich amalga oshiriladi. Bunday texnologiya pandemiya ko‘lamini yengishga yordam beradi. Shuningdek, u global iqtisodiyotni tiklash jarayonining bir qismi bo‘lishi mumkin.
