Andijonda guruh bo‘lib harakatlangan haydovchilarga chora ko‘rildi

Andijon tumanidan o‘tuvchi avtomobil yo‘lida, "Andijon-Asaka" yo‘nalishida guruh bo‘lib harakatlanib, atrofdagilarning erkin harakatiga halaqit bergan bir qancha haydovchilar to‘xtatilib, YPX xodimlari tomonidan belgilangan tartibda chora ko‘rildi.

Ma’lumot o‘rnida, O‘zbekiston Respublikasi MJtKning 129-moddasiga ko‘ra, motosikllar va boshqa transport vositalari haydovchilarining yo‘llarda yo‘l harakati xavfsizligiga tahdid soluvchi yoki avariya holatini keltirib chiqaruvchi guruh bo‘lib harakat qilishda qatnashishi — bazaviy hisoblash miqdorining uch baravari miqdorida jarima solishga sabab bo‘ladi.