Amirxon Sodiqov Parij-2024 yozgi Olimpiya o‘yinlari yo‘llanmasini qo‘lga kiritdi

Turkiyada o‘tayotgan kamondan otish bo‘yicha jahon litsenzion turniri o‘z yakuniga yetdi. Quvonarlisi, unda ishtirok etgan O‘zbekiston terma jamoasi a’zosi Amirxon Sodiqov yakkalik dasturida Olimpiada yo‘llanmasiga sazovor bo‘ldi.

Qayd etish joiz, Ziyodaxon Abdusattorova O‘zbekiston delegasiyasi uchun ushbu sport turida tarixiy dastlabki Olimpiada yo‘llanmasini taqdim qilgan edi. Bugun yo‘llanmalarimiz yanada ko‘paydi. Yana bir ahamiyatli tomoni, ushbu yo‘llanma evaziga Sodiqov Olimpiya o‘yinlarida Abdusattorova bilan mikst dasturida ham qatnashish imkoniyatini qo‘lga kiritdi. Shu tariqa, Amirxonning bugungi muvaffaqiyatli ishtiroki bilan delegasiyamiz kamondan otish sportida uchta yo‘llanmaga ega chiqdi.